సోమవారం వామపక్ష నేతలు మధు, రామకృష్ణలతో భేటీ అనంతరం పవన్ కళ్యాణ్ మీడియాతో మాట్లాడారు.
గత కొద్ది రోజులుగా మాజీ ఐపీఎస్ అధికారి లక్ష్మీ నారాయణ జనసేనలోకి వెళ్తారన్న కథనాలు గత కొద్దిరోజులుగా సోషల్ మీడియా లో చక్కర్లు కొడుతున్నాయి. ఈ నేపథ్యంలో మీడియాతో నిర్వహించిన చిట్ చాట్లో పవన్ ఆ అంశంపై స్పందించారు. ‘మా పార్టీ లోకి లక్ష్మీ నారాయణ వస్తారని ప్రచారం జరుగుతోంది. గతంలో ఒక్కసారి మాత్రమే అయన నేను కలిశాను. మొన్న కూడా ఆవిర్భావ సభకు ముందు కూడా ఆల్ ది బెస్ట్ చెబుతూ నాకు ఆయన మెసేజ్ పెట్టారు. అంతే.. కానీ, ఆయన మా పార్టీ లోకి వస్తానంటే తప్పకుండా ఆహ్వానిస్తా’ అని పవన్ తెలిపారు.
